DETALJ MJESECA koji smo odabrali za FEBRUAR su popularne trake za kosu Diamonds & Pearls. More čini čuda za naše zdravlje, a time i za našu kosu, kojoj daje prirodni volumen i talase koje toliko volimo. Obožavamo taj ljetnji look naše kose kada je ne moramo ni češljati nakon mora, a imamo one savršene talase za kojima zimi tako jako žudimo. Za ljetnju frizuru koju obožavamo, ne moramo čekati ljeto, jer je do takve frizure put pronašao jedan modni trend, a to su trake za kosu. Njima možemo upotpuniti frizuru i tako stvoriti savršeni ljetni friz s kojim, vjerujte nam na riječ, nećete proći nezapaženo bilo da ste na ulici, u šetnji gradom ili večernjem izlasku. Modne blogerke i influencerke već su odavno upoznate s ovim modnim trendom, pa zato i ne čudi kako je naš Instagram preplavljen ovim otkačenim modnim detaljem. Zajedno sa romantičnim ukosnicama sa perlama i svjetlucavim kamenčićima, žene su počele da ukrašavaju svoje uvojke ovim jednostavnim, ali efektnim detaljima. Kao dodatak, možete izabrati traku sa logotipom vašeg omiljenog brenda ili mašnu od pliša ili sjajnog satena, a za ljubitelje gotovih rešenja postoji mnogo mogućnosti: od lakonskih mašnica sa ukosnicama do velikih ukrasnih traka u stilu Keri Bredšo.