Sigurno ste čuli za Olaplex kao za čudotvorni tretman koji obnavlja i najoštećeniju kosu i omogućava crnkama da postanu platinaste plavuše bez ikakvih oštećenja. Možda ste pomalo i skeptični kad se pominju revolucionarne tehnologije koje će vašoj kosi vratiti onaj sjaj koji je imala prije nego što ste na njoj isprobali sve moguće boje i preparate. Međutim, Olaplex nije sličan ničemu što ste probali do sad. Za vrlo kratko vrijeme ovaj tretman je postao zaštitni znak frizera koji brinu o kosi svjetskih zvijezda poput J.Lo i Kim Kardashian. Ali šta je zapravo Olaplex i kako djeluje?

Za početak, da razjasnimo: Olaplex nije regenerator nalik ostalim tretmanima za obnovu kose, koji privremeno daju vašoj kosi  visoki sjaj i glatkoću, a pritom je maste i otežavaju. To je jedinstven hemijski sastojak, koji ne sadrži silikon ni ulje, iza kojeg stoje godine ozbiljnog istraživanja u prestižnim laboratorijama. Njegova jedinstvena formula, koju su razvili Dr Erik Presli i Dr Krejg Hokerda, omogućava mu da veže popucale disulfidne veze u kosi za vrijeme i poslije hemijskog tretmana, čineći ih snažnijima nego što su bile prije. Ako je vaša kosa uništena dugotrajnim posvjetljivanjem, Olaplex će vam omogućiti da joj vratite snagu, obnovite prirodnu teksturu vaših lokni ako to želite ili ispravite kosu i učinite je glatkom i sjajnom. Ovaj jedinstveni tretman, takođe, omogućava koloristima da postignu i najsvjetliju plavu nijansu na svakoj kosi, bez obzira na njenu prvobitnu boju. Želite da pređete iz crnke u plavušu u samo jednoj posjeti frizeru? Nema problema!

Olaplex tretman sastoji se iz tri dijela, od kojih se prva dva obavljaju u salonu. Prvi dio tretmana, Olaplex No.1 Bond Multiplier, može da se koristi kao dodatak blanšu ili boji za kosu, i na taj način obnavlja oštećenu kosu i štiti je od daljih oštećenja tokom procesa farbanja i blajhanja. Ovaj preparat savršeno se slaže sa svim najnovijim tehnikama bojenja kose kao što su ombre, sombre, balayage i drugi. On se takođe može koristiti i kao poseban tretman koji potpuno regeneriše oštećenu kosu, a može se bez problema primijeniti i na ekstenzijama.Drugi dio tretmana je No. 2 Bond Perfector i obično se radi za šamponjerom. Ovaj proizvod se obilno nanosi na kraju tretmana i završnog ispiranja, a prije šamponiranja. Za još bolje rezultate, kosa se može temeljno zaštititi razrijeđenom Olaplex No 1. formulom. Bond Perfector takođe služi i kao losion za vrijeme šišanja kose. Preparat  može biti ostavljen na kosi duži vremenski period i klijent ga može isprati i nanijeti regenerator kod kuće. Međutim, savjet mastera je da isperete kosu i nanesete regenerator u salonu, zato što je kompletan tretman namijenjen obnovi unutrašnje strukture  kose. Poslije tretmana No.2. uvijek možete dodatno primijeniti neki drugi dubinski tretman, masku ili regenerator, a najbolji način da produžite djelovanje Olaplex tretmana je da kod kuće koristite Olaplex No. 3. Hair Perfector, koji vam omogućava da obezbijedite svojoj kosi najbolju moguću njegu kod kuće. Ovaj preparat je najbolje koristiti jednom nedjeljno i to tako što ćete ga nanijeti na mokru kosu, rasporediti češljem i ostaviti da djeluje najmanje 10 minuta, a zatim oprati kosu kao što to inače činite.

Rezultate ćete vidjeti nakon samo jednog tretmana. Kosa postaje vrlo mekana, svilenkasta, sa puno sjaja, daleko zdravijeg izgleda i veće čvrstine. Ono što Olaplex razlikuje od ostalih je to što vaša kosa biva trajno zaštićena, ostaje zdrava i nahranjena i ne puca.

Još uvijek mali broj salona ima u ponudi ovaj tretman, pa su u beauty concept store-u “Sophie’s Beauty Line” ponosni što se nalaze među onima koji uvijek idu u korak sa najnovijim trendovima. Naš savjet je da ih posjetite i zakažete svoj Olaplex tretman kod njihovog mastera Danijela, uživanje u ovom ritualu i fantastičnoj novoj beauty oazi je zagarantovano!