“Urban girl” Mina Novaković, građevinski inžinjer i projekt koordinator The Capital Plaze naša je “čivilukica” mjeseca OKTOBRA! Stalno radi na usavršavanju i proširenju svojih poslovnih vještina, pa je od skoro ušla i u vode procjene nekretnina. Fan je Instagrama, gdje nas svakodnevno obraduje slikom/story-em svoje ćerke, koja joj je uljepšala život i postala centar njenog svijeta. Mina za svojih skoro trideset godina još nije načisto koji stil najviše voli. Sviđaju joj se skroz različite stvari i za malo koji komad garderobe bi rekla “ja ovo nikad ne bih obukla”, češća je rečenica “meni se ovo uz sve slaže”. Ne izdvaja ni jednu boju kao omiljenu, jednostavno zavisi od raspoloženja. Za svaku priliku se sprema u 15 minuta do izlaska, ali nikad ne pogriješi. Najvažniji elementi outfita su obuća i torba, nikad ih dosta – ne pita koliko košta, koji je brend, samo da joj se svide. Što se tiče garderobe, voli duže haljine, pantalone, košuljice. Od nakita preferira gomilu tankih narukvica, pa i na obije ruke, jer minđuš ne nosi, lančiće rijetko. Često objavljuje postove iz svoje kuhinje, tvrdi da je sve što spremi ukusno, a uvijek je lijepo servirano i šareno, baš kao i njeni outfiti!
DRUM-ZOOM: Mina Novaković
Share: